فرقان و أحياء الجبلاب.......

اولا موضوع الاحياء الكلام فيهو كلام كتير وعلي حسب معلوماتي نبدا بي المعزاب ويبدا من جهه المدارس لغايه الجامع من جهه ناس الحلبي وودقه وشمالا من امدم وجنوبا الي العجيلاب من جهه ناس عرمان وودقه برضو وتاني حاجه الباسطاب بتعتبر من فريق المعزاب ويتوسطها خلوه الفكي سعيد ومن الاسر الفي المعزاب ناس ابوسالف وعرمان وقوي والعرماس وودالحسين وناس فرح والمكي وديل ماكلهم بس دي امثله

وكمان اعتقد انو المعزاب من اوائل الاحياء اللي عملت جمعيه خيريه للافراح والاتراح وكان عندهم فريق كره قدم من الطراز الممتاز وفي المره القادمه نتكلم عن الجمعيه الخيريه ومنو الكان اصحاب الفكره ومن تولي رئاسه الجمعيه وحتي الان والاساتذه والاستاذات المن المعزاب وكمان برضو ماننسي ناس الكوره المميزين و الدكاكين المشهوره وديوان ود فع الله للنساجه

المعزاب من اكتر الاحياء الموجود فيها ناس ساكنين خاصه فريق قدام كما يحلو للبعض واللي هي الحته المنها ولي المدارس

العجيلاب
القوز
الباسطاب
المعزاب
سلام للجميع الاخوان والاحباب ومنتدي جميل ورائع وحقيقه في معلومات كثيره لم اكن اعرفها او سمعتها ولكن نسبة للانشغال لمن اعيرها اهتماما ولكن اتمني من جميع الاخوان جزاهم الله خيرا ان يدعمونا بجميع مايعرفونه حتي يتثني لنا التعرف علي الجبلاب اكثر فاكثر واذكر انني زرت الجبلاب مرة واحده فقط وبعد زواجي ولكنني احببتها كثيرا واندهشت بماشاهدت علي خلاف ماكنت اسمع وهذا حديث اخر يطول سرده..
سؤالي هو من اين انحدرت اسماء هذه الاحياء المعزاب الباسطاب الحمداب والعجيلاب وناس القوز هل هناك اشخاص ترجع لهم هذه التسميات ام انهافقط القاب اتمني من الاخوان الرد وشكرا
ام الساره

سلام
مرحباً أم السارة وشرفتي المنتدى وذي ما قال الخال بشير عقبال ما نشوف مزيدا من الجبلابيات ولك الشرف اول جبلابية في تشاركي في المنتدى

بالنسبة لموضوع الفرقان يا عصام كلامك كان عن المعزاب فقط هل عشان انت معازابي وما بتعرف باقي الفرقان ولا تحيز؟

يعني عايزنك كمان ما تنسى وتوضح لينا برضو باقي الفرق التانية وين العجيلاب وين القوز وين الباسطاب يعني ما تقعد تشكر لينا في المعزاب عشان انت معزابي ما دايرين عنصريه وما تنسى حاجة عشان ما نقوم ونكاجر ليك هس ونقول ليك لجنة الباسطاب احسن ولجنة القوز عندنا وعندنا وعندكم ما دايرين اي كجااااار هنا في البوست دا اي كجار اطلع معاي نمشي بوست الكجاااااااار بس كويس

معيش استعجلت صح؟ اكيد باقي القصة جاية .. .. لكن تقول شنو ما كجاااااااااااااار ساااااااااكت

الرشيد !!!! والله انت شكلك ناوي علي الكجار ساي ما تصبر علي شويه بجيك بالتفصيل لاي فريق براهو بس انشغلت حبه الايام الفاتت وقبل ما اكتب حاجه قالو عمر البشير استقال من الحكومه عندكم خبر ولالا؟؟ 07 isam

هذه كذبة ابررررررررررررريل

فريق القوز يعتبر من اكبر الفرقان في الجبلاب لدرجه انو مقسم الي فرقان صغيره ومنها الكواريك( التسميه من ال كوراك ) وقوز محمد نور(التسميه من محمد نور والروماب (لم اعرف حتي الان من اين جائت التسميه) وفريق القوز بدايتو من الجامع شرقا وحتي الختات(والختات ده شارع العربات واقرب شارع للمواصلات بالنسبه للجبلاب) من ناحيه الغرب وجنوبا السوق الرئيسي حتي قوز العوضيه شمالا وكمان ايضا بها جمعيه خيريه
تحياتي
isam07

نرجع تاني للمعزاب ....
المعزاب كان فيها ابار مويه لمن تكون المويه قاطعه يشلو منها المويه منها علي سبيل المثال بئر عرمان وموقعها حنوب غرب المعزاب جهه العرامنه وبئر ابوسالف ودي منها ولي المدارس وفي كمان بئر ود الحسين شمال الخلوه مباشره
اما الدكاكين المعروفه ... دكان محمد عبد الرحمن ابوسالف ... دكان الامام قمبور... دكان سكينه بت علي جوار الخلوه وكمان دكان ياسر دقه

بالنسبه للاساتذه سليمان احمد الحفيان و عبد الرحمن محجوب وبشير الهادي ولكن في الوقت الماضي كانت النساء المعزابيات وحتي الان رقم لايمكن تجاوزه في التعليم امثال..
امهاني عثمان الدكيم..اسماء ابوتله ..حواء محمد قسم السيد العرماس..اسياء محمد صالح ..عواطف الخير..عائشه بابكر ..منال ابراهيم دقه .. جمال فرح..

أمهاني عثمان الدكيم..اسماء ابوتله ..حواء محمد قسم السيد العرماس..اسياء محمد صالح ..عواطف الخير..عائشه بابكر ..منال ابراهيم دقه .. جمال فرح..



و الله يا عصام فعلا عطاء بنات الجبلاب في التعليم كان مشهود ...و ياريت ترجع زي الفترة ديك تاني و يكون في مدرسات أكثر بالجبلاب من بناتها

اااي والله نسيت اذكر كمان .. عبدالرحمن محمد قسم السيد العرماس وعلي مااعتقد انو درس في السبعينات والاستاذ سيف الدين محمد البشير والاستاذه رشا مهدي .. وحنجي كمان لي اساتذه اي فريق براهو ولكن كل ثقل الاساتذه في المعزاب.

تحياتي

isam07

شكرا للاخوان على هذه المشاركات بس عصام شكلك منحاز شديد للمعزاب واحب اصحح معلومة انو اول جمعية خيرية قامت في الجبلاب كانت في العجيلاب وكانت تسع لكل اهل القرية حيث انها كانت الوحيدة ومن تاسيس الراحل المقيم الياس المليح . وحدو المعزاب ليست مع العجيلاب نسيت الباسطاب والله شنو . واكبر حي به كثافة سكانية هو القوز حفظهم الله

ياكمال ..شكرا علي تصحيح المعلومه بتاعت اول جمعيه في الجبلاب والمداخلات الكتيره بتجيب وبتصحح المعلومه وبعدين ناس الباسطاب ديل اسه انقسموا علي جمعيات العجيلاب والمعزاب علي حسب معلوماتي !
لكن هم طبعا فريق قائم بذاته .

وكمان معلوماتي عن العجيلاب ضعيفه . وتركته لمن له درايه بهم اكثر مني. ومامنحاز ولاحاجه

تحياتي

isam07

ابو السارة
سلامات
غير الاسماء التي ذكرتها في خشم بيت اسمو الحمداب

السلام عليكم اولاد عمي ...



إني سعيد جدا انو يكون في موقع للجبلاب ...وانا الجبلاب دي لا شفتها ولا عارفة بتع وين ... بس نحنا حلة كاملة في شرق مدني جبلاب وما عندنا اي صلة مع الجبلاب الام ... ما عدا بعض الاهل عندهم علاقات مع الجبلاب في مدني وودنباوي..بس نحنا الشباب ديل ما بنعرف أي شي عن الجبلاب سوى انها جنس لينا لا أكثر...وانا هسي في الرياض /المملكة العربية السعودية ومتني انو احصل لي واحد من الجبلاب عشان ناخد وندي مع بعض ...وساعي جدا لمعرفة ابناء عمومتنا.


وانا اسمي / الهندي الصديق طه الامام علي مصطفى