مطلوب تسجيل العضوية

ياسيدي مبروك المنتدي الجديد لكن العملوا منو وهل رابطه ابناء الجامعات مشتركه في هذا العمل لانو دعمهم مهم للغايه!!

مرحبتين يا عصام و شرفت المنتدي و أكيد حاتكون عندك مساهمات كثيرة

يا سيدي أنا العملت المنتدي، و قلنا نحاول نلم كل الجبلاب الممكن يدخلوا النت، و هم كثيرين جدا
أهو نتناقش في بعض مواضيع الجبلاب، و برضه ممكن الناس تتواصل و تتونس زي ماهي عايزة، و أكيد حاتكون في مواضيع و ذكريات كثيرة هنا.


سلام

بشير

الاخ بشير سلام وياريت لوعندك عناوين بعض الجبلاب في السعوديه لانهم كتيرين وغالبيتهم درسوا وترعرعوا في الجبلاب ممكن يعملو دفعه كويسه للمنتدي ومنهم الهادي كشان ونزار الهادي وياسر ابراهيم وراشد مهدي وهذا علي سبيل المثال ليس للحصر عصام

اها يا عصام ...
سجلت لينا منوا جديد..

سلام من الله عليك ورحمته تعالى وبركاته أخوى بشير ( ابو السارة)

أعجبت وسررت كثيراً لهذا المنتدى والذى جاء فى زمن اعتقد أنه الاصعب من نوعه ولكن هذا المنتدى سوف يكون هو أسهل واحدث الطرق لمعالجة قضايانا ولم شملنا بعد أن فرقت بنا عجلة الزمن وظروف الحياه . فلك منى كل الثناء على انزال هذا المنتدى على ارض الواقع متمنياً أن يجد حظه ممن يمتلكون للمعلومة الصحيحة وممن لهم صولات وجولات فى هموم الجبلاب هنا وهناك ( أقصد قضايا وهموم الجبلاب فى كل مكان) .
من جانبى سوف اقوم بواجبى تجاه الاخوة معانا بالرياض حتى يدلو بدلوهم فى هذا المنتدى الرائع بإذن الله تعالى.

لك منى الشكر مرة ثانية والسلام


أخوك أبداً الهادى كشان - أبو إلفة

مرحبتين ابو ألفه
وييييين مختفي متوقعين منك الكثير
وعقبال نشوف باقي ناس السعودية الكسلانين وساعدني في الموضوع دا

أبّ أحمد

بنرحب بعدد من احبابنا و اخوانا الاإنضموا مؤخرا للمنتدي، و إن كان ما شاركوا بعد...

ومنهم:
الهادي كشان...منتظرين منك كثير بالاخص عن الروابط و الجمعيات، و إنت زول معرفتك بالجبلاب و ناسها ما هينة، سلامنا و شوقنا معاك لشباب الرياض
دكتور حسام أحمد حسين.....وينك يا زول ياراقي
الحبيب العزيز وليد فتاح السيد، حمدا لله علي السلامة بالرجوع من امريكا لارض البلد و ريحتها و ناسها، أكيد حا نكون سعيدين بمشاركتك حتي لو بالقليل.

و الف مرحب كمان ب محمد حذيفة (برضوا الدكتور قريبا) ، أصالة عن نفسك ....و ممثل لوالدك العزيز(حذيفة)

و يا محمد ابوك ده كان قعدت معاه بونسك بذكريات جميلة ممكن تحكي لينا منها هنا كثير


ننتظر مزيد من المشتركين....وبعده مزيد من المشاركات.

و أخر عضو منضم هو (مصطفي)..
تري هل هو مصطفي أمير..
خلينا نسمع صوتك، قصدي قلمك...
ومرحب بيك

ايوه ده مصطفي امير زاتو
وانشاء الله كمان يا بشير الاسبوع الجاي حتشوف وجوه جديده في المنتدي وعملت شويه اعلان في السودان وتحمسوا للفكره من المهتمين بي امور الجبلاب والنشطه بس اديها صنه!!
وكمان الايام دي شايف المسجلين في حبه كسل شويه ماعارف ليه؟؟

تحياتي

isam07

و بنرحب بشدة باخر المسجلين....

العزيز كمال مهدي...من جده، و كمال من الناس البنتوقع منهم كثير هنا، زي ما قدموا كثير في مختلف الروابط و مناطق الجبلاب....مرحب بيك يا كمال....و مشتاقين و الله.
برضه بنرحب ب(بودي) محمد عبدالرحمن الصادق(خال السارة)...مرحب يا محمد ...و الجابك يجيب أخوانك، بكده بيكون فعلا المنتدي فيه اجيال مختلفة، و قريبا حا يكون فيه بعض اعمامنا باذن الله.
و كل واحد لازم يسجل واحد غيره كمان.

مرحب بيكم

يالف مرحب بمن كل قدم الي المنتدي ونتمني من الاخوات اظهار مشاركتهم معانا كمان ويامرحب بيك الهام ومرحب بيك ام منار لكن حابين نتعرف بيك اكثر كمان يا ام منار

نرحب بالحبايب
عمار مهدي
د.حسام احمد
عماد الأمين
ام منار ؟؟ ما عرفتك؟
ألهام أمير
بشرة الأمير
احمد الكشان

ومزيد من التواصل

مرحب بعضو المنتدي امجد الطيب سلفاق من ارض الحرمين
ونتمني مسهماتك في المنتدي