مشروع مكتبه الجبلاب الثقافيه

حلم يراودني من سنين!!!

اتمني ان تجد هذه الفكره القبول والمسانده من كل الاطراف في الافكار والطرح من اعضاء المنتدي .
البدايه حتكون بدائيه للغايه ومن ثم الي مراحل الي ان تتطور الي مكتبه كبيره وممكن تكون اكبر مكتبه في ولايه نهر النيل ومافي حاجه بعيده
وايضا دعم التعليم من جهه ومن اجل نشر الوعي الديني والاجتماعي والثقافي من جهه اخري.
يلا ياشباب يدكم معانا ( لزوا العربيه دي من هذا المنتدي الي داخل القريه والي عقول وقلوب كل جبلابي).


تحياتي

isam07

البدايه كالاتي:

1.كتابين من كل نوع( الكتب الدينيه ومن ثم كتب اللغه العربيه) للاستفاده منها لكل الطبقات المتعلم والمامتعلم حتي ناس الخلوه.

2.اختيار شخصين مقيمين في الجبلاب وياريت يكونوا اساتذه لتحمسهم اكتر من غيرهم لهذه الافكار(عندي اتنين مرشححهم ومن الاساتذه كمان وما حيخزلونا)

3.الدعم المادي وماحيكون كتير بس البدايه حتكون صعبه.

4.الاتصال بي رابطه ابناء الجبلاب بالجامعات احتمال يتبنوا الفكره وممكن عن طريقهم واوراقهم بتاعت الرابطه يتصلوا بي الدار السودانيه للكتب ويتم الدعم بتخفيض اسعارالكتب.

ودي بدايه عايزه افكار جديده تدعمه ومناقشه مستفيضه (حلوه مستفيضه دي) وكمان اي زول عندو حاجه ومقترح يا مرحب .
والنقاط الفوق دي ممكن نناقشها واحده واحده لنصل الي هذا الحلم.

ويا دكتور حسين هذا البوست علي مااعتقد دعم الي البوست بتاع التعليم وانت كنت متحمس الي مناقشته .

تحياتي

isam07

ياجماعه عندي فكره المكتبه دي متكامله لحدي فكره التداول بين الافراد والاشتراك ووين تكون لحفظها ومن المسئول عنها في الجبلاب ومن المسئول عنها في امدرمان وكيفيه الدعم سواء كان من امدرمان والجبلاب وحتي خارج السودان.

بس عايزين دعمكم الان للفكره والمناقشه ولتقفيل كل المنافذ لفشلها ولاستمراريتها .وممكن تكون زي الحديقه فيها كل الكتب الدينيه -اللغه العربيه-الثقافيه التربويه-التاريخ - علي سبيل المثال وحنبدا بي الدينيه واللغه العربيه.

تحياتي

isam07

:cheersتحياتي الاكرم عصام
كلامك واضح جدا جدا جداوفعلا ديي في اعتقادي نواة لحل الكثير من داخل فكرة المكتبة وما حتسلم من الكجار وغلق النوافذ , وكمان كما قلت لديك برنامج أكبر كلام جميل وأهلنا في المدن برضو حايستفيدو من البرنامج دا ان شاء الله وأنا أول الموؤيدين .
دوما عبدالله عبدالرحمن

الاخ بشير .......... سلام

والله فكره تمام بتاعت اي زول عندو كتاب يتبرع بيهو . ودي بتلم كميه مابطاله من الكتب وبدايه ممتازه.

ويلا عشان نكون عمليين حااتصل الجبلاب الايام القادمه وطرحها علي الاساتذه بشير الهادي وعبدالرحمن محمد محجوب ودي اول خطوه وانشاء الله نتوفق. وكمان حااقوم اتصل علي الرابطه في امدرمان ونشوف البحصل ايه.

تحياتي

isam07

الاخ عبد الله..

شكرا علي المرور

وعايزين مقترحات لو امكن!

تحياتي

isam07

شكراًَ م.عصام لك التحية والاحترام على الفكرة الرائعة

وياريت تجد في الموضوع ولك الأجر العظيم وانت بس خذ موافقة المهتمين في الأمر بالجبلاب (بشيرالهادي وعبدالرحمن محجوب) كما اقترحت وتاني الباقي هيين عشان لو هم اتحمسو للموضوع ان شاء الله بوعدك انو المشروع ح ينجح

وبداية المكتبة كتاب وكل واحد يقدر يتبرع بكتاب حتى ولو ارساله مع اي شخص يصل بيكون دافع لتكلمة المشوار

والمكتبة ح تكون نواة لمشاريع كثيرة وهامة وتخص التعليم بصورة عامة بالمنطقة

اتمى ان نرى هذه النواة قريباً في الجبلاب


ابًّ احمد

والله ياعصام مشروع جميل شديد وحاتستفيد منه كل الاجيال الكبار والصغار نتمني ان نتعاون جميعا علي التنفيذ باذن الله
وياعبد الله اقتراحك كويس جدا وفعلا كدا نقدر نحافظ علي المكتبه والكتب وغير كدا تكون الحكايه منظمه اكثر والي الامام دائما
ام الساره

الجديد شنوا يا عصام...نحن جاهزين

عصااااام....و ينك

والله يا بشير الموضوع داير صنه شويه!!

لزوم المدارس قافله وكده.وعشان ينجح لازم نفتح الموضوع والمدارس فاتحه بس نهايه الشهر ونشوف الجديد
وبعدين حكايه الدعم انا شايف مهمه وماممكن البدايه تكون بي لمليم الكتب وانا اتبرعت بي كتاب كتابين دي ماجايه لازم
يكون في دعم وان اقترح بي دفع اي زول في المنتدي بي 20 الف سوداني او مايعادلها لي ضربه البدايه وشراء مزكرات
لمدارس الاساس والناس الممتحنه لي الجامعه . ولا شنو ؟؟.
وبعدين نشوف الحاصل .


تحياتي

isam07

[center]سلام عليكم
اهلي واحبابي الجبلاب في كل مكان
اشكرك عزيزي علي هذا القتراح الراقي
وفي البدايه اريد ان اوضح بعض الحاجات
عندما كنت في الرابطة عملنا معرض للكتاب
في دار الجبلاب بي امدرمان فلم نستطيع ان
نبيع غير كتاب واحد من رغم انو كانت مخفض
جدا وانا اقترح ان تكون هذي المكتبة من غير اشتراك
مادي في البدايه .والله العظيم لو انا كنت في السودان
لتبرعة ب 10 كتب .ولكن استطيع ان ارسل بعض الكتب
عن طريقه رفعه علي الويب

ابنكم المخلص\معز والله اكبر ولله الحمد

الاخ معز ......... شكرا علي المشاركه والظاهر انك بره السودان..
وبعدين انا لمن زكرت انو الدعم المادي مهم عارف مجموعه كبيره من المشاركين في هذا المنتدي خارج السودان وماقادرين يدعمو بي كتب مباشره لذلك اقترحت الدعم المادي عشان ماقادرين يدعموا بي الكتب مباشره.


وتشكر ياسيدي علي المداخله وعايزين مقترحات.........

تحياتي

isam07

الاخ العزيز عصام
[center]لك التحيه ولكن انا اتخيلتها كتب
ثقافية واجتماعية وسياسية
ابنكم المخلص\ معز

معز كتب:

[center]سلام عليكم
اهلي واحبابي الجبلاب في كل مكان
اشكرك عزيزي علي هذا القتراح الراقي
وفي البدايه اريد ان اوضح بعض الحاجات
عندما كنت في الرابطة عملنا معرض للكتاب
في دار الجبلاب بي امدرمان فلم نستطيع ان
نبيع غير كتاب واحد من رغم انو كانت مخفض
جدا وانا اقترح ان تكون هذي المكتبة من غير اشتراك
مادي في البدايه .والله العظيم لو انا كنت في السودان
لتبرعة ب 10 كتب .ولكن استطيع ان ارسل بعض الكتب
عن طريقه رفعه علي الويب

ابنكم المخلص\معز والله اكبر ولله الحمد

دمتم ياشباب
لكل عمل طيب وانساني من اجل
رفعة القرية
وابدوا ونحن معاكم

السلام عليكم ورحمة الله وبركاته وتحياتى لكم جميعا سجلت مؤخرا فى هذا المنتدى الرائع وكلى امل ان نقدم عن طريقه كل مايفبد قريتنا الحبيبه الجبلاب ....قرات المواضيع و الله كلها كويسه وتحتاج فعلأ لنقاش ثم تنفيذ ,,,,وردا على مشروع المكتبة اشكر الاخ عصام على اقتراحه وانا من جانبى مستعده اكون مندوبتكم فى الامارات فلقد كنت عضو فعال فى رابطة ابناء الجبلاب بالجامعات ....ايام جريدة الجبلاب التى اصدر منها اعداد ليست قليلة ثم توقفت...عموما الفكره جميله وربنا يسهل الامور..,..

تعديل بسيط

ياعصام وين انت مامعقول ياخى اديناك صنة زي ماقلت بعدين
ممكن تلاقى راس خيط الرابطة بالتلفونات وممكن معز يساعدنا
بكثير اقلاها تلفونات الشباب .بعدين موضوعنا هنا المكتبة حاليا
المكتبة لانو لو عملت شورة كثيرة سينقلب الموضوع لطلبات من
مذكرات وبعدين طباشير وسبوره و..... لامانع بل من الواجب بس
ما دلقوت اولا المطالب كبيره وكثيرة وان شاء الله توفر ولكن كيف
المحافظة عليها من غير وعى يعنى مكتبة وتثقيف عام عموما ممكن
القيام حاليا بمشروع الدعم المادي وتفعيله من المنتدى هنا وفى بوست منفصل عن بوست المكتبة .كدى لوقت تانى نتكلم لانو ايضا موضوع
كبير وجميل الان مشروع المكتبة الثقافية فقط ولكم راى يا عثمان بله
ويا اخوانا البقرو البوست ويمشواهمتكم معانا . :ro