[b]العادات والتقاليد[/b]

المساهمات : 75 تاريخ التسجيل : 23/03/2008

السلام للاحباب الكرام مع الود والاحترام

السودان به عادات كثيرة وجميلة وتقاليد موروثة تكمل شخصية السوداني وتميزه عن الاخرين.

والجبلاب جزء لايتجزأ من السودان ,فنحن الجبلاب كما قال أبوداود اسياد شهامة وللكرم جنده وعلي مستوي قري غرب النيل معروف عنا الكرم ومثل بسيط علي ذلك يحكي واقعا عند زيارة قيادة الانصار للجبالب في زمن بعيد ودعيت الحلال والقرى كلها وبعد انتهاء ايام أويوم الحفل رجع الناس لأهاليهم وسئلوا
أها الجبلاب كيف فكان الرد ديل عجيبين خلاص , كيف عجيبين والله ديل لا هسة كسرتم مردومة فوق
عالية في العناقريب. وعندك كرم معناه عندك الكثير فالكرم وحده لايسود فبجانبه الشجاعة والمروؤةوهذه هي بعض من تقاليد الجبلاب السمحة . وهناك عدات سيئة اندثرت والحمدلله وتمت لها حلول وبعضها موجود نسأل الله الحل الذي يرضي الله والمجتمع ومنها في المأتم وعيادة المريض والفرح بأنواعه من عقد وحفل العقد والختان وحفلات التخرج , وان شاء الله نفرد لكل محاسنه لنزيد ومساوئه لزيح والرجاء المساعدة والله
من خلال هذا البوست ممكن نكمل ما بدأفي الجمعية العمومية من حلول ظهرت فوائدها ونواصل ان شاء الله
في الماضيع أعلاه
عبدالله عبدالرحمن

المساهمات : 75 تاريخ التسجيل : 23/03/2008

اولا المأتم يأتي فجأة والحمدلله الكل يؤدي واجبه الديني علي أحسن ما يكون الي أن تستر الجنازة و لكن قبل أن تستر الجنازة وهي ساعة للانسان أن يقف مع نفسه قليلا تجد بعض من الاحباب من يتكلم في المقابر عن المال والتجارة والحديث عن الناس كنميمة وهو مخالف للشرع ناهيك عن مشاعر الموجودين خاصة اسرة الميت أو الميتة فأنت هنا لتواسي وتكسب الاجر لا لتزيد الالم وتكتب في صحيفتك السيئات من جراء النميمة . وكلام عن الاراضي والسمسرة ,وهناك من يتكلم عن أنواع الموبايلات والغريب في ذلك بعض من يمارس ذلك
تدور الدنيا ويتوفي عزيز لديه وبعد ايام العزاء ينتقد فلان وعلان عن ما كان منه في المقابر فالنبدأ
بأنفسنا والله من وراء القصد ونقول صورة مقلوبة ولازم نعدلها.
بعد ذلك يأتي الناس جماعة أو اثنين او واحد للترحم ورفع الايادي بالدعاء أو قراءة الفاتحة ولكن بعض من المعزيين لا يقرأ أي دعاء ولا فاتحة بل يسرع (بقمت) اليد مع مصاحبة الهمهمة الغير مفهومة انما مدعاة للترحم . جدي والدي عمي خالي اخي وكل من له حق ارجو قراء الفاتحة كاملة للميت او الاخلاص او الدعاء السريع مثل اللهم ارحمه واغفرله واجعله من أصحاب اليمين ودي صورة مقلوبة ولازم نعدلها.
وكذلك امهاتنا واخواتنا وزوجاتنا بعض أو قل معظمهن يعزين لا بالفاتحة والدعاء للميت ولكن التظاهر بذلك (اهيء اهيء الليلة يا ود أمي ) وهذه الترنيمة تتم ببكاء خالي منالاحساس باهل الميت من غير دموع ماالداعي لذلك والكذب دي صورة مقلوبة لا زم نعدلها .
ونسائنا لهم الدور الكبير في التخفيف علي أهل الميت من الترحم علي الميت والحضور والجلوس في بيت اهل الميت او الميتة مما له الاثر البالغ للتخفيف وهو من واجبات الدين قبل أن يكون عادة .

كما ذكرت أعلاه الجلوس في دار الاسرة المكلومة والترحم علي المتوفي أو المتوفية له بالغ الثر للتخفيف ,
ولكن هنالك جلوس لا للتخيف انما يكون تطبيقا للمثل ميتة وخراب ديار وشراب عددمن أكواب الشاي وقراء الجرائد والتصفح مع الضحك العالي و (المتاوتة) للحضور وقت الوجبات وبعد ايام العزاء لنيل النصيب من غير فتة وهذا عند بعض الناس وليس كلهم من الجنسين وصورة مقلوبة لازم نعدلها.
وكثير من العادات والسلوك الغير جميل نسأل الله أن تعم الفائدة , اما بالنسبة لقرارات لجنة الجبلاب من
من حيث عددأيام العزاء والوجبات وغيره في القرية وكل مدن السودان فهو واضح ونرجو الالتزام
وأدام الله ترابط الاهل في السراء وفي ما قضي الله . ونواصل ان شاء الله

المساهمات : 75 تاريخ التسجيل : 23/03/2008

السلام عليكم الاحباب الكرام أولاد جعل
عيادة المريض هي تخفيف للمريض وهي من الواجبات الضرورية في الدين والمجتمع وأهلي الجبلاب
ما شاء الله والحق يقال من الاشياء التي نعرف بها لكثرة عددنا والحمدلله ونخفف علي مريضنا ونعوده ونقوم بواجب الزيارة وربنا يعظم الاجر ان شاء الله ويديم علينا نعمة التواصل والترابط.
ولكن بعض الاشياء غير جميلة ثحدث أثناء الزيارة منهارفع الاصوات داخل مكان المريض سواء في المستشفي أو المنزل دون مراعاة لحالة المريض والمرضي الاخرون اذا كان المكان في المستشفي مشترك
ودي صورة مقلوبة ولازم نعدلها وأيضافي حالة المكان المشترك فكثير منا لا يعود جار المريض في العنبر
المشترك وأري أنه عمل جميل تؤجر عليه مع مراعاة الظرف والزمن لجار مريضك في العنبر,
وأيضا المكوث الطويل في مكان المريض أي كان مكان وجوده ,لاداعي لذلك لانه يتعب المريض وأهله
وأيضا فتح مجال لغيرك كي يقوم بواجبه وعادة ما يكون المكان لا يسع عدد كبير, مع العلم التام بظروف البلد وما يحتاجه المريض من أشياء لا يوفرها أهل المستشفي ولكن ليس الكل يقوم باشياء معروفة ومدبرة من
أهل المريض ودي برضو صورة مقلوبة ولا زم نعدلها.
وكمان اجبار المريض علي تناول نوع معين من الطعام لا يجوز بخلفية مانوع المرض وحتي اذا كان يمكن
تناول ما جلب للمريض من قبل الزائر فضع ما أحضرت وقم باعلام اهل المريض وسوف يهتمون بذلك
لمعرفتهم بحال المريض وتسلسل علاجه , ودا اذا المريض كان في المنزل ,أما اذا كان في المستشفي
فلا يجوز ذلك في رأي أبدا وصورة مقلوبة لازم نعدلها
وطبعا جلب الطعام لأهل المريض ممكن مع مراعاة المكان المناسب وعادة ما يكون من أهل المريض,
أرجو الابتسامة في وجة المريض ولا تجلب همومك وتعكسها عليه بتكشيرة ولا تحكي قصص المرض وحال المستشفي . وبارك الله في من زار وخف كما قلت في الاول وللأهمية أكرر عدم المكوث طويلا في مكان المريض وبارك الله في من زار وخف
ونواصل ان شاء الله عبدالله عبدالرحمن

مشكور يا أبو عبدة مواضيعك جميلة

بس يلا ورينا وتكلم لينا على فطورررررررر العريس رأيك شنو فيه؟
وانت بس ما تنسى انت عريس على الباب يعني لو ما عاجبك احلف على خالك وريحه هاهاها

سلام

وما تنسى هس اليومين الجايات دي والدتك قايمة وقاعدة ونفضت الغرب والشرق عشان فطور العريس وبتلملم وتجهز

اه هي اتحلت والحمد لله وبيتم بخير الكلام على امات العروس الجايات والعندهم كوووووووم من البنات يعملوا شنو تاني !!!!

المساهمات : 75 تاريخ التسجيل : 23/03/2008

الاكرم الاخ الرشيد كيف حالك وأخبارك. وشكرا لمرورك علي البوست وكثير يحتاج للعلاج ولو [اضعف الايمان] ممكن الانسان يعمل شيء وهمتك معانا وأقترح اجتماع شباب الرياض في البوست من المتزوجون
وعملوا فطورات ما ذا كان المكسب من ذلك ونعود لاحقا لأمر الفطور

المساهمات : 87 تاريخ التسجيل : 23/03/2008

يا عبدالله شكرا..

و المواضيع دي كلها و الله حيوية، و بالتأكيد اغلبها تم فيها نقاشات كثيرة في لجان الجبلاب المختلفة...
بعضها وصولوا فيها لخطوات جميلة و مقدرة، زي مسألة تخفيف ايام العزاء، و دي كانت حاجة جميلة جدا منهم..
و بعضها الاخر أكيد في الدرب..
و في حاجات تانية التحولات و التغير في المجتمع بصورة عامة يؤثر فيها..
و برضه في النهاية في حاجات بتخضع لرغبات الناس و مسألة رغبتهم الشخصية

و كمان لازم تخلي في بالك إنه الجبلاب الأن اصبحت ممتدة في أمدرمان
و اصبح الناس عندهم تداخل كبير مع ناس من خارج الجبلاب، معارف و تصاهر و مجاملات...
و ده كله بيجبرك إنك تكون مرن في حاجات كثيرة..
يعني مثلا مسألة الزواج و إجرأته...من الصعب جدا جدا اليوم نقول للجبلاب كلهم، و بالاخص في أمدرمان يمشوا بشكل واحد تحدده اللجنة او الجمعية..
و ما بتقدر تقول للجبلاب كلهم تخلوا دي و تعملوا دي..بالاخص في مناسبات الافراح ..
و كمان اغلب الناس ممكن يقولوا الكلام ده في النقاشات
لكن لمن تجيه المناسبة بلقي نفسه إنه لازم يعمل كده و كده و كده..
انا شايف إنه كل زول من حقه يعمل العايزه في الافراح طالما إنه قادر عليه..
لكن الحاجة الغلط إنه الزول يعمل الحاجة و هو ما عنده قدرتها و لا إمكاناتها المادية..
دي الحاجة المحتاجة لوعي و توعية
الواحد لازم يبداء حياته حسب قدرته، و ربنا ببارك ليه و يوسع عليه

bounce

المساهمات : 22 تاريخ التسجيل : 13/04/2008

شكرا يا الغالي بس زي ماذكروا الاخوان الزمن اجبر الناس على ترك اشياء كثيرة وحتى الدعوات في الاعراس بقت مختصرة في محيط الاسر وده شي جميل اما الاشياء الاخرى فبوعي الناس ممكن تنتهي بس بيني وبينك كل شي ولا تحرمونا من حكاية اللف دي والله عرس بلا تقلية مسيييييييييييييييييييخ

موضوع: يا خال بشير الإثنين أبريل 14, 2008 4:34 am

تأكد لنا تماما انو الجبلاب في امدرمان قاعدة ليس بالبسيطة بالنسبة لسكان امدرمان عموماَ وهنالك اشادات عديد من مواطني امدرمان وبعض القبائل والعشائر (كالشوايقة والمحس والدناقلة) وبحسدونا على التواصل والكرم وكذلك على وقوفنا واتحاد كلمتنا وقدرنا ننظم عملية العذاء يوم واحد وكمان نوع الوجبة النقدمها في العذاء (الفتة) وهنالك من بدأ في تقليدنا وخاصة من هم متداخلين معانا

اذا لو اقترحنا شيء جديد وخاصة بالنسبة للمناسبات الأخرى الأعراس مثلا يمكن ان نجد التشجيع من الداخل والخارج يعني فنبدأ من الداخل الجبلاب فقط وفيما بينهم واكيد الباقي بقلدونا وبيقبلوا بعاداتنا وتقاليدنا

ويا كمال مهمدي ما تخاف اللف دا ما بقيف خالص ارقد قفاء على بال ما يطرحو الأفكار ونقعد نتكاجر فيها كاااام سنة كدا يكونوا اولادنا واولاد اولادنا عرسوا وانتهو وانحنا زاتو نقعد نكااااجر ساااااااااااكت مع المكاجرين كيتا في الناس الما عرسوا لسه عشان يحصل لهم الحصل لينا

المساهمات : 75 تاريخ التسجيل : 23/03/2008

مرحبا بالاخ كمال مهدي محمد خير والمنتدي منور بيك ومرحب بكل الاخوان الاعضاء الجدد ودا
يا اخوانا احدي فوائد الموقع وانشاء الله أجبكم علي مهل ويا كمال اللف والدرديم باقي ليك بقيف
عبدالله عبدالرحمن

المساهمات : 16 تاريخ التسجيل : 26/03/2008

موضوع العادات والتقاليد ياعبد الله موضوع شيق خاصة في زيارة المريض جزاك الله الف خير
مافي شك انو الزيارة بتخفف علي المريض كثيرا لكن في بعض الاحيان بتكون متعبة ليهو والجبلاب بطبعهم مجاملين كثير
وطبعا زمان كانت المستشفيات قليلة هي امدرمان والخرطوم وبحري واغلب الجبلاب كانو في امدرمان انت عارف الجبلاب
يطولو من زيارة المستشفي الواحد يزورها من غير سبب ونصف مستشفي امدرمان قائم من مجاملات الجبلاب مبالغة طبعا Basketball

ولو وقفوا من الزيارة المستشفيات بتقفل الواحد يجي راكب المواصلات بحوش الخليفة يشوف العمم والثياب والعمدان يطقطق
للكمساري بالله المستشفي وماعارف الراقد منوشوف الطيبة الزايدة ولكم راي عثمان

مرحبا بالعضو كمال مهدي

المساهمات : 75 تاريخ التسجيل : 23/03/2008

عثمان بله شكرا لاهتمامك بالبوست وانشاء الله نستفيد من بعض ودايرين مشاركتك ومقترحاتك في البوست دا ان شاء الله, ليك رأي.
ندخل علي الافراح وربنا يجعل أيامكم معظمها أفراح
يتم الزواج عند أهلنا الجبلاب كاي زواج اسلامي وسودانى أصيل بعقد القران في المسجد أو المنزل
باتفاق الطرفين علي الزمان والمكان كما ذكرت ويعقب ذلك التبريكات والدعاء بالخير , وطبعا يختلف تطبيق العادات في الزواج بحسب واقع الموجود يعني قد يكون المتزوج أيام زواجه خارج الوطن أوالزواج
يلزم السفر لاحدي المناطق البعيدة عنه من مكان اقامته في السودان أو موجود بينا ا سرته ودا الغالب علي العموم حسب الظرف , والله شيء جميل جدا تري كل الاهل مع بعض في اجتماع خير وتولم الوليمة كما وصي الدين .
ويمر الزواج بكل طقوسه وعاداته المعروفة للجميع ومن ضمنها الفطور مقدما من أهل العروسة الي أهل
العريس ونواصل ان شاء الله

المساهمات : 75 تاريخ التسجيل : 23/03/2008

الاكرم الخال بشير كلامك عن وضع الجبلاب خارج القرية واضح جدا وما يدحضه الا مكابر أومكاجر هذا بخصوص العادات في الزواج , الفطور مثلا عادة قديمة وصلت لمراحل معينة فرأي أهل القرية ووصلو
لقرارات كثيرة وتم التنفيذ بخصوص الزواج ومن الضمن الفطور ولكن لمدة قصيرة وأثناء التطبيق لقانون الزواج عند الفطور كان يأتى الفطور ليلا والناس نيام ويأتي ناشفا يعني بصل محمر وشرموط و...الخ وكانت النساء في الحي تنام في المنزل لكي يشرفو علي وصول الفطور ليلا ويتم الفرز الناقص من التام,
وأنا أقترح عودة الفطور نهارا ولكن محكوم بقانون نوعية المقدم ومن يتناوله. هذا في القرية فقط لأن هذا أفضل من عمل الامهات في السر والزيادات الغير محتملة لكل أهل القرية.
أما عن الفطور في المدن الاخري وعلي رأسها ولاية الخرطوم فكلام بشير واضح عن الارتباطات مع الجيران والنسب الكبير وكثير و...الخ لكن هنالك يا بشير شيء اسمه حدود المعقول وهنا لا مجال لاقتراح محاسبة كما القرية ولكن ممكن يتم اقتراح توعية بالغرض من عمل كذا وكذا وكما قلت خالي بشير
يحق لك أن تفرح كما تريد بالصورة التي تريد ولكن في حد المعقول أيضا للبركة في الزواج حتي ولو كنت قادر علي النفقات ولا نريد قفل النوافز للشباب والشابات.
ونحتاج مزيد من النقاش ونواصل ان شاء الله
عبدالله عبدالرحمن

المساهمات : 16 تاريخ التسجيل : 26/03/2008

ياعبد الله فتحت البوست وقلت العادات واتكلمت عن زيارة المريض وقلنا خير
انت عارف الفي بطنو حرقص براهو برقص وماتتجرس من هسي اربط بطنك وقوي قلبك وادخل
ولا اعمل اضان طرشة من هسي والفيهو خير بيتم الله ما شق حنكا ضيعو
الناس تسوي فطور مامشكلة...الناس تجيب فرفور مامشكلة...
الناس تتبوبر بالقروش مامشكلة...الناس تعمل ثاني دور مامشكلة

المساهمات : 75 تاريخ التسجيل : 23/03/2008

مامشكلة فرفور أو فطور أخي عثمان ولكن كل شء في حد المعقول, ولعلمك العادات الموروثة بالسنين ماممكن تنتهي بالساعات والايام وليك رأي كما تقول دوما عبدالله عبدالرحمن

المساهمات : 16 تاريخ التسجيل : 26/03/2008

ي اخي عبد الله لك الشكر والتحية
موضوعك شيق والله ويمكن يحل مشكلة او جزء منها بالنسبة لموضوع الفطور اصلا موجود لكن بالطريقة دي
الحكاية اتطورت شديد برنامج كبير وقصدي انو الانسان يعمل المعقول والا الكلام يكون ماعندنا ودة ماصاح
ولكم رائ

المساهمات : 75 تاريخ التسجيل : 23/03/2008

كل الاحباب الكرام لكم السلام والاحترام
ونواصل, لايتوقف برامج الافراح علي ماذكرنا ولكن هنالك أيضا عادة الاحتفال بالختان للاولاد في كل السودان والجبلاب, وعادة الخفاض للبنات عند معظم أهل السودان ومعظم أهل الجبلاب ويتم الاحتفال بعد عملية الختان بدعوة الاهل والجيران لتناول وجبة ما وبعد ذلك الغناء والترويح عن النفس بلقاء الاهل والاحتفال معهم.
كذلك نفس البرنامج للبنات وكان قديما يجهز للاحتفال وهو العرس الاصغر كما ينعت ويتم التجهيز بالبرش والسيف والسوط وجريد النخل, طبعا جريد النخل للبركة , ولكن تغيرت الاموروأصبح الحال غير الحال والزمان تلاحقت أزمانه فالكل مشغول فصار الاحتفال صغير جدا جدا جدا ودا شيء أعتبره جميل ونزول ل تكاليف لاداعي لها وطبعا الحضور الطبي الان كبير يمكن عمل الختان بعد الوضوع مباشرة كما يعلم الجميع وكل الناس علي ذلك ,
أما خفاض البنات يعلم معظم الاهل في الجبلاب واهل السودان عن مضار هذه العادة وأذاعت الاذاعة السودانية وغيرها وكتبت المقالات والحمدلله بدأت العادة في الاندثار لكن للان هناك من يمارسها سرا علي كل فرد منا محاربة هذه العادة في القرية بالذات وفي المدن كمان وعند قيام المكتبة في القرية انشاء الله يفردلها مساحة لهذه العادة ومضارها وأطبائنا وطبيباتنا ممكن يقومو بعمل كبير تجاه هذا الامر لان الكتاب والمنشور عند بعض الاهل لا يفي الا بسماع كلام من الطبيب شفهيا( ما كجار ساكت طبعا) وكذلك معلمينا وومعلماتنا لهم نصيب بالانتشارفي الفرقان والكلام مع الامهات . وامام المسجد له دور أيضا وهنالك عدة سبل لمحاربة هذه العادة
وصورة مقلوبة ولازم نعدلها

يالف مرحب بيك عبد الله لك الف تحيه ومليون سلام ودائما اقراء كتاباتك الشيقه وتدهشنا دائما بتاعابيرك المميزه ومواضيعك الجميله..
احب ان اعلق علي نقطتيتن موضوع فطور العريس وموضوع العادات الضاره..
بالنسبه لفطور العريس والله وبالصراحه زمان قبلي مانعرس كنا معتبرنه عزوه وتقييم من ام العروس والعروس لاهل العريس والتعبير لو بجزء بسيط في المشاركه ولكن بعد ان اصبح الموضوع مكلفا ومفتوحا والحكايه زايدف في البهرجه والحال حتي اصبح ان المهر الذي يقدم من العريس لايكفي حتي لاعداد وتجهيز اغراض العروس ناهيك عن الفطور وزمان في السابق كانت تنقل وتوضع الاطعمه في حلل القوز(بالعاميه كدا حلل القيزان)الان اصبح علي ام العروس تاجير وتجهيز اواني خاصه وتفنن في الالوان والتزيين كمان فضي وذهبي والامر كمان في السابق كانت تقدم هديه مع الفطور للعريس ووالده واحد اعمامه الان اصبحت الهدايا لكل افراد الاسره من الرجال اضافة للخيلان والاعمام ومهما حكيت وزكرت اصبحت العاده لابد من وجود حلل بشانها والا انحنا نقول (لابو الساره شيل شيلتك من الان هاهاها)ولاشنو؟؟
اما بالنسبه للعادات الضاره وخصوصا عادة الختان بالنسبه للبنات فسوف نتحدث عنه اكثر فاكثر باذن الله حتي تنحسر هذه العاده وتختفي تمام وافضل انه الاجيال الجديده توعي وترشد الاسر من الداخل اولا وعدم الخضوع لاراء الكبار والضغط عليهم بتوعيتهم في هذه الاشياء ولو الموضوع دا تم من الداخل انا متاكده حاتنتهي اما عن حملات التوعيه من البدايه كدا طوالي دائما ياعبد الله ماتفشل واقول ليك لماذا لانه كل شخص تذهب اليه بيقول ليك انت ابداء من بيتك وتعال لينا انحنا (وهذا الكلام اقوله عن تجربه)واقول ليك التجربه البحث بتاع التخرج حقي كان عن هذا الموضوع ولم اجد تجاوبا من اهلي خصوصا النساء الكبار والجميع كان يقول لي هاها شوفي دخلوها الجامعه دايره تعمل استاذه علي اماته Evil or Very Mad

وتتدخل في مالايعنيها.. ولكن علي العكس وجدت تحمسا اكثر من الشباب وساعدوني كثيرا لذلك اقول لو اننا في هذا البوست ركزنا مع كل الاخوان والاخوات التعاون علي التوعيه من الداخل(اسرنا الصغيره) اولا سوف ينجح المشروع وبعد ذلك يمكن ان تكون هنالك ندوات عامه ومعارض وكتب وبوسترات توضح وتشرح هذه العاده واضرارها للجميع. sunny

وبذلك الجميع سوف يتقبل الموضع باذن الله واتمني للجميع التوفيق وربنا يزيدك عبد الله كمان وكمان وتطرح لينا دائما مواضيع جميله
ام الساره

المساهمات : 75 تاريخ التسجيل : 23/03/2008

السلام عليكم ورحمة الله وبركاته
الاخت ابتهال(أم السارة) كل التحايا لك وشكرا للمرور المفيد علي البوست
كما قلنا الغرض هو عدم قفل النوافذ أمام الشباب وممكن بالافكار النيرة والاطروحات ذات الرأي الحكيم نبدأ في كسر الصمت الرهيب في هذا الموضوع الهام(فطور العريس) ونقدم بعض الحلول ونناقشها في المنتدي وبالمناسبة الاكرم زوجك الخال بشير الحاج احد العقول ذات الحكمة والله وممكن نستفيد منو.
وبعدين موضوع الخفاض عند البنات لنا كمية من الطرق لعلاج هذا الامر وأهمها ما ذكرتيه بالبداية كل في منزله وانت لك باع طويل يا ابتهال في الموضوع لانو مشروع تخرجك والبوست مفتوح للنضال والكل من ورائك وان شاء الله تعم الفائدة
دوما عبدالله عبد الرحمن

المساهمات : 75 تاريخ التسجيل : 23/03/2008

السلام عليكم ورحمة الله وبركاته
ومن ضمن العادات الجبلابية السودانية العربية العالمية عادة السماية أو السبوع أو العقيقة أو البيبي شنو كدا
عند الخواويج من له الاسم الكامل للخواويج يجيبو لينا علي العموم هي سنة وتتم بعد اسبوع من قدوم المولودة أو المولود احتفالا به وتسميته وقد يكون الاسم قد اختير من قبل ولكن عند اكمال الاسبوع الاول يتم الاعلان عن الاسم للاهل والجيران وتولم الوليمة ويفرح الناس وفرصة للتلاقي ودوما تكون فطور ودا يومك في التقلية يا مؤمن تتجيه تمام بعدين اها سميتوه منو قلتو لي؟؟
وخير الاسماء ما حُمد وعُبد ونسأل الله أن يرزق الجبلاب الذرية الصالحة, ويديم الالتفاف والتواصل
والتوادد بين الاهل وبعضهم البعض.

المساهمات : 16 تاريخ التسجيل : 26/03/2008

عبد الله سلامعليك Laughing

وين مختفي ابقي اظهر
ووين فطور العريس

المساهمات : 75 تاريخ التسجيل : 23/03/2008

الاخوة الاحباب السلام عليكم ورحمة الله وبركاته
فى البدء كل الشكر لمن سال عنى وترحيبى الحار جدا والمتاخر لكل من انضم للمنتدى واخرهم الاخ امجد الطيب لكم كل الود.
ويا عثمان انت الوين ونرجومن مداخلاتك تكون كثيرة ما سطر وكلمتين
طبعا فى السنوات الماضية تخرج عدد كبير من ابناء الجبلاب من الجامعات ودا طبعا شىء كبير وجميل وعندما يتخرج الطالب تقام له جملة من الاحتفالات من ادارة الكلية والجامعة ودا الاحتفال الكبير طبعا
واحتفال الاهل واحتفال الدفعة و..........كثيرمن البرامج ويستاهل الخريج كل هذا الاحتفال لتعبه وكده فمن الواجب الاحتفال به والحمدلله
ابناء الجبلاب كانوا دوما فى كل الكليات بالجامعات مشاركين مع كلياتهم
وكما اسلفت هذا امر كبير فالاحتفال بالخريج يرفع من معنوياته ويحث
الدارسين على المثابرة وعادة الاحتفال عند ابناء الجبلاب ككل اهلنا فى السودان وتكون بداية بتوزيع كروت الدعوة ويتم تجهيز بعض الحلويات
لاكرام اهلك الذاهبون معك وتقدم اثناء الاحتفال وترى الوجوه باسممو والايدى تصفق فرحة بمن رفع راس الاهل ضمن الركب والله انه لامر
جميل ان ترى من تريد فى المكان الذى تريده له فى تلكم الحظات فسارعوا بتلبية من دعاك فانه يفرح كثيرا بوجودك وامر الاحتفال بالخريج عادة جميلة ونطلب من الله القدير ان يكتب لكل شباب الجبلاب
ان نراهم فى مقدمة الخريجين.
ملاحظة بسيطة فى بعض الاحيان وفى بعض الكليات يكون عدد كروت الدعوة لكل خريج محدود فنرجو الالتزام بالعدد المحدد حتى لاتدخل الخريج فى حرج وكمان نثبت لانفسنا وكل الناس مدى التعامل الراقى
فيكون الامر عندك سهل وتقبل ان كنت غير مدعو هذا لا يعنى انك غير مهم ولكن لظروف كثيرة قادت ادارة الكلية لتحديد العدد هب ان لى ٥ اعمام و٤خلان ووالدتى ووالدى واخوات واخوان وجيران ومسموح فقط
بخمسة اشخاص لاسرة اى خريج.اهلى نرجو الالتزام وحفظكم الله وحفظ ترابطنا الاسرى.