علاقات الجبلاب وارتباطاتهم مع الاهل والجيران

اولا لاتقليل من القري الاخري واهلها لكن الجبلاب والحمدلله معروف عنهاانها قبيلة لها وزنها وشانها وحضورها في كل المحافل ودا نابع من الارتباط مع بعض واتخاذ القرارات مع بعض ويكفي ان جميع اهلها بنو عمومية وحتي في امدرمان رغم المشاغل الكثيرة ودي حالة البندر لما ياتو ناس بالمقابر ويشوفو جمع غفير يقولوا ديل الكتار ديل جبلاب ولا شنو . ودا يعني للمابعرف انو الجبلاب كبيرة وكتيرة ومترابطة ومتواصلة مع بعض انو نحن كذلك ومترابطين فهلا ترابطتنا وتواصلنا في هذا الموقع ابتداء من المنتدي ونواصل انشاء الله مع العلاقات العامة بالجبلاب انشاء الله .

مواصلة للكلام أعلاه ارتباط الجبلاب مع جيرانهم كان ولم يكن يحمل كل حقوق الجيرة فعلاقات الجبلاب مع القري في غرب النيل متينة منذ الازل . وارتباط الوافدين للجبلاب من معلمين ومساعدي أطباء ومزارعين وعمال زراعة وطلاب كانت ارتباطات قوية نابعة من معاملة الجبلاب للاخوة الوافدين للجبلاب من الفئات المذكورة أعلاه وهذا له ارتباط كبير بالكرم المعروف عن أهلنا الجبلاب ومربوط بالتعاون مع مختلف الناس ,
ومثل بسيط علي ذلك اي التعامل مع أهلنا ااوافدون للجبلاب المساعد الطبي الذي حضر للجبلاب منذ أمد طويل موفد للعمل في المركز الطبي في الجبلاب ,فطاب له المقام وسط الجبلاب وصار أحد اهلها.

[b] والله يا بشير حملوها معهم في كل مكان من السودان وخارج السودان كما ذكرت. وأحاول سرد المناطق التي طرقوها لكسب العيش أو التي استقروا بها الي امد طويل أو التي مازالو يواصلون حياتهم فيهافعلي ضرب المثل كان وجود الجبلاب في الصعيد في سنجة المرحوم قسم السيد عبدالكريم واولاده ومحمد خير عبدالكريم واولاده ومهدي عبدالله وأخوانه وكثيرون الي لان يواصلون , وهذا جزء من كبار الجبلاب الموجودون في سنجة , وأيضا الدمازين ابتداء من الروصيرص وانتهاء بالدمازين بوجود الاكرم عثمان الامام واهلنا هناك وامشى الي رفاعة محمد أحمد المادح (ود الفشيق) ثم مدني أولاد برير ثم الفاشربشري احمد أبوشيبة ومحمدعرمان في الجنينة ومنطقة الكبابيش كان فيها المرحوم الامين ودودة والمرحوم يونس الدكيم ونرجع الي منطقة العزازي بوجود الصادق العاقب والدويم بوجود حسن العاقب وحسين مكى اشقر و نواصل ..........

وبعدين القضارف المرحوم عوض الله أبوسالف ولو مشيت منطقة البديرية في الابيض فهناك جالية كبيرة من
الجبلاب فكان المرحوم بشير قوي وخلف الله كزام والشريف المليح وبشري احمد الخليفة وحسن قسم السيد(العطار) وكثير من أهلنا الي الان والله يكفيك في المناطق التي ذكرناها أو سوف نذكرها أن تقول أنا جبلابي
وانظر بعد ذلك فالاحترام لك والتقدير لك واذا احتجت النجده فألف من يتمني وهذا لم يأتي من فراغ بل لمعاملة الجبلابي النظيفة والندية الخالصة من أي مصلحة لان هذا ديدنهم وتربوا علي ذلك فهم متعاونون مع الجميع مع اختلاف القبائل والديار وعلي المثال هناك بعض العلاقات المتينة ولحسن التعامل والاندماج تم النسب كما في الكبابيش المرحوم الامين ودودة فقد زوجه الكبابيش احدي بناتهم

وهناك منطقة المسيرية بوجود بشير عرمان في لقاوة و قسم السيد الطيب وحسن محجوب ومحمود الانصاري
في عطش وعبدالرحمن الامام ومحمد المام الكيمني في السنوط و عبدالله الامام الكيمني في أبوجنوك وهي ما بين المسيرية والنوبة واذا جاءت الخوي فكان ود الامام وال العرماس وفي المجلد الهادي البشري ونواصل.....................

موضوع الجبلاب والجيران والترحال فعلا كبير اضافة الي المزكور نجد.

الامتداد حتي الجنوب في كل المدن واو وتوريت وكبويتا وازو وغيرها منهم الخال احمد الامين ودوده والعم حسن فرح كرفين واخوه المرحوم

حسين فرح والعم الخير محمد صالح واولاد عرمان والعم مهدي العرماس ومنهم من انصهر هناك وكانو مشهورين بالتجارة وخلقو سيرة حسنة

هناك حتي امتدت العلاقات مع كبار اعيان البلد والمسوءلون ووصلو حتي اوغندا وحدود كينيا وافريقيا الاوسطي والحبشة ولكم راي

الجبلاب ما في ارض ما وصلوها حسب علمي
من الصين اقصى الشرق الى كلفورنيا اقصى الغرب

ناهيك عن ربوع السودان المختلفة منذ زمن اجدادنا وابواتنا إشتغالهم بالتجارة
الجنوب، الشمال، الغرب، الشرق والمنطقة الوسطى يعي انت يا الجبلابي انطلق ساااااااااااااكت وامشي اي محل في الدنيا دي وح تلقى ليك جبلابي

نتمنى نسمع صوت من مناطق مختلفة
واهم شي يا جماعة كل واحد يدخل من اي منطقة يتوقع ان في ناس كثيرة لم تسمع عنه ولا تعرفه عشان كدا يدخل ويعرف نفسه بالكامل والاسم الرباعي عشان تعم الفائد
ولا مش كدا يا أيمن سلمان


أبّ احمد

مشكور ياعثمان بله وعشان كدا نريد المزيد من المعلومات عشان نصل للمرغوب ولعلمك ماشين للجنوب وكثير من المنلطق بس ساعدنا بالمعلومات . الاكرم الرشيد شكرا لمرورك علي البوست وذكرنا كان نسينا,
وكما قلت في اول البوست العندو اي معلومة او تصحيح دا المطلوب مع اعتذاري لكل منسقط اسمه أو ذكر منطقة وله العتبي وعليه فقط للدخول للاضافة وتعم الفائدة,.

ابو السارة ولله الحكاية فيها جكات علي الموجود. والشكر للوالد مهدي العرماس والوالد عوض بشير قوي
للمعلومات وانتظر مع الجبلاب سفريات مهدى العرماس.

وبعدذلك دارحمر في منطقة ودبنده الذي كان بها مديرا وودعه أهل ودبنده وأياديهم له بالدعاء بالخير والعوده لهم مرة أخري لما لمسوه من فن تعاون وأدب عمل بل حل المشاكل من اجتماعية وقبلية فكيف او ليس منالساهل ان تتأقلم علي مجتمع في وقت وجيز وتكون كبار أهل الراى والشورة. وأنا أكتب ليس للقصة لكن حقيقة تعامل مع شتي أجناس وقبلئل كما قلت في وقت وجيز يدل علي الحس العالي بأهمية ذلك وهذا ينشافي اعتقادي بالتربية المبنية علي التعاون وقبول الغير وهكذا كانو الجبلاب , وبعذلك عاد لمنطقة ودبندا بعد فترة من الزمن مشرفا تربويا ولم يصدق اهلي ودبندة ثم منفذا لنقليات الحكومة في وزارة التربية والتعليم ومنطقة ام دبيبة في حمر ثم ارض المسيرية في السنوط جنوب غرب ابوزبد وابو زبد كما معروف لدي الكثير تقع جنوب غرب الابيض والد بكرثم الي ام دفيس فى حمر ثم ابزبد في مكتب التعليم الذي شهدتشييد مكتب التليم الكبير الان في ابوزبد بعد اجتماعات مع اهل المنطقة ومشروع المليون طوبة للمكتب ونواصل مع هذا الصرح ثم الدبكرثم الدلنج

و الله يا عبدالله ما قصرت تب...

ياخي ده بوست جميل جدا، و فيه معلومات كويسة جدا..
نحن متابعين..و عايزين المزيد..

اما عن أهلنا في العاصمة القومية الخرطوم كانوا ولم يزلوا في قمة الرقي كما في جميع مناطق السودان
مع الاهل ترابطا وتواصلا ومع جيرانهم وأصدقائهم في جوار السكن وفي العمل أمشي أقيف وسط السوق في الخرطوم وبحري ا وام درمان أو خارج مكان الزحام في الحواري مثلا وقول بتعرفو لي أي جبلابي هنا يا أخوانا دا مش يا أحبابي معناه الترابط القوي الذي وصي عليه الين ونقول ربنا يحفظ الجبلاب في ترابطهم وتوادهم ونواصل.............

متابعين يا عبدالله
و بعد ما خلصت من جبلاب السودان، أكيد الجبلاب الموجودين بره كثيرين جدا...
حا نكون قاعدين في البوست ده لغاية ما إنت تفتر..و الله تكمل كل الجبلاب
و أكيد في جبلاب موجودين في مناطق الناس ما عارفها..او مشوا قبل كده لمناطق و رجعوا منها..
نحن معاك

الاخ عبدالله شكرا علي المعلومات القيمه ولقد ذكرت غالبيه الجبلاب في كل مكان وعلي مااعتقد عنوان البوست ارتباطاتهم مع الاهل والجيران ولكن لم تذكر كيف كانت علاقاتهم مع الناس كانت كيف ؟؟ وبس ذكرت تجربه عم عوض بشير قوي في غرب السودان وحقيقه كانت تجربه ثره واما البقيه فكانت اسامي بدون حاجه!! بجيك راجع isam07

مافي ملل يا عبدالله...واصل و جيب المزيد

والله شتيت شديد كل الدنيا في جبلاب من الشرق للغرب

وانا اقول الحلة بقت فااااااااااااااااااضية ليه

ليت نعيش يوم ونحضر مؤتمر الجبلاب للم الشمل يعني تكون هنالك مناسبة جامعة في الجبلاب (عيد اضحى) مثلا ويخطط لها من الجيل الحالي ويوضع لها خطة زمنية ولنقول بعد عشرة سنة(10) مثلا والناس كلها تتجمع في فترة معينة في الجبلاب البرة والجوة ناس امدرمان وناس الغرب ناس الشرق وناس الوسط كلهم في الجبلاب ولمدة اسبوع الناس تتلاقى وتتجمع في بيوتها القديييييمه كل اسرة تحى منزلها الأول في الجبلاب وتربط الاجيال القادمة بالمنطقة وتححببهم في الجبلاب وبيوتها وطبيعتها واكييييد ح يكون فيها الدعم المعنوي والمادي للمنطقة

يلا نحلم

مامشكله ياعبد الله ...نسيت صاحبك عثمان بله ولاشنو؟؟

وياالرشيد حلمك صعب شدييييد ...لكن برضو احلم هو الحلم بي قروش...........

تحياتي

isam07