| ذكريات عم أحمد باشا بين زمن النساجة و القنجة...و ثياب الشيفون(كان راجل اشتريني) | |
|
|
كاتب الموضوع | رسالة |
---|
ابو الساره
المساهمات : 87 تاريخ التسجيل : 23/03/2008
| موضوع: ذكريات عم أحمد باشا بين زمن النساجة و القنجة...و ثياب الشيفون(كان راجل اشتريني) الإثنين مارس 24, 2008 1:15 am | |
| * بين زمان القنجة والفردة والعظمة وثياب الشيفون ابومليون
*العم أحمد باشا يقول الجبلاب أشهر النساجين وأدخلوها أمدرمان
*زواجى فى امدرمان كان حدثاً وغنت فيه سعديه العوادية
*وفاطمه الحاج ورابحة التمتم وعشه ام رشيرس وابوالجود
قبل ان تغزو الاسواق السودانية موضة الثياب النسائية الحديثة المطرزة والشيفونات والحرائر والتواتل التى تصل اسعارها الى مليون جنيه لثوب الشيفون الواحد كانت المرأة السودانية قنوعة جدا وتلبس الثياب المنسوجة محلياً وبالقطن السودانى .. وكانت الفردة في سيدات ذلك الزمان الجميلات اكثر اناقة وجاذبية من شباب الشيفون باهظة الثمن .. ولكن لكل زمان اشياؤه فقد اضمحل سوق الفراد والقنجة وشباب العظمة والمضلع التى كان يتراوح سعرها بين جنيه ومائة وخمسين قرشاً ..الان تعيش زمان موضه الثياب الشيفون المختلفة الانواع والاشكال والاسماء وفيما علمت ان احد الثياب الرائجة الانتشار في اوساط سيدات المجتمع وزوجات الاغنياء يسمى (كان راجل اشترينى) في محالة لاستفزاز الازواج واستدراجهم لشراء هذا الثوب الذى يبلغ سعره المليون جنيه .
ولكن اى المناطق في السودان اشتهرت بصناعة النسيج ومن هم اشهر النساجين في السودان ومن اي القبائل اخذوا مهنة النساجه التقليدية وكيف دخلت هذه المهنه السودان. لمعرفة التفاصيل التقينا بالعم احمد باشا أحد رواد صناعة النسيج ومن اقدم النساجين التقليديين الذين على قيد الحياة - امد الله في عمره
رجل وضاح المحيا يشع من وجهه نور يذكرك بروايات الاوليات والصالحين قلبه العامر بالايمان ينبغى بكل تفاصيل الانسان السودانى الطيبة الامانة المحبة والوفاء في داره العامرة بشارع عبدالله خليل كان لقائى معه حدثنى عن مهنة النساجة وانواع الثياب زمان ولماذا بدأت هذه المهنة في الاضمحلال فماذا قال حديثه هامس بأدب موروث قال لى بصوته الهادىء وكأنه يحادث نفسه.
نواصل غدا
___________________________________________________ هذا اللقاء اجراه مع عم أحمد باشا(احمد العمرابي) أنقله لكم هنا للفائدة و التوثيق. | |
|
| |
عبدالله عبدالرحمن بشير
المساهمات : 75 تاريخ التسجيل : 23/03/2008
| موضوع: رد: ذكريات عم أحمد باشا بين زمن النساجة و القنجة...و ثياب الشيفون(كان راجل اشتريني) الإثنين مارس 24, 2008 11:05 pm | |
| كلام هام وجميل ومن هنا يبأالتوثيق لان النساجة اليدوية في اوج صناعتها لم تكن تتوفر في كثير بل معظم مناطق السودان . والدنا أحمد باشا متعه الله بالصحة والعافية محله (دكانه)موجود في سوق امدرمان في بداية شارع الجلود وللان به صناعة بعض من اهلنا الجبلاب من قناج وفراد. | |
|
| |
عبدالله عبدالرحمن بشير
المساهمات : 75 تاريخ التسجيل : 23/03/2008
| موضوع: رد: ذكريات عم أحمد باشا بين زمن النساجة و القنجة...و ثياب الشيفون(كان راجل اشتريني) الإثنين مارس 24, 2008 11:12 pm | |
| النساجة في الجبلاب تم التوثيق لها في برنامج صور شعبية في تلفزيون السودان بواسطة مقدم البرنامج المرحوم الطيب محمد الطيب .فمن الاحري عندما يسألك أي شخص غير جبلابي او صغارنا من ابناء الجبلاب عن النساجة في الجبلاب فمن الاحرىان تكون عندك معلومة واجابة عن ذلك ولا باب النجار مخلع | |
|
| |
ابو الساره
المساهمات : 87 تاريخ التسجيل : 23/03/2008
| |
| |
ابو الساره
المساهمات : 87 تاريخ التسجيل : 23/03/2008
| |
| |
عبدالله عبدالرحمن بشير
المساهمات : 75 تاريخ التسجيل : 23/03/2008
| موضوع: رد: ذكريات عم أحمد باشا بين زمن النساجة و القنجة...و ثياب الشيفون(كان راجل اشتريني) الأربعاء مارس 26, 2008 9:16 pm | |
| وكمان الكان يتخرج من حوش كوكو يسمي خريج أكسفورد لانو بطلع نساج درجة أولي ,هذا علي حد كلام والدنا مهدى محمد قسم السيد العرماس متعه الله بالعافية , كيف لا و المتخرج علي امهر النساجين في السودان الموجدون في حوش كوكو. | |
|
| |
ابو الساره
المساهمات : 87 تاريخ التسجيل : 23/03/2008
| |
| |
ابو الساره
المساهمات : 87 تاريخ التسجيل : 23/03/2008
| موضوع: رد: ذكريات عم أحمد باشا بين زمن النساجة و القنجة...و ثياب الشيفون(كان راجل اشتريني) الأربعاء مارس 26, 2008 10:34 pm | |
| نواصل مع حديث الذكريات... __________________________________________ ويواصل العم احمد باشا سرده المشوق ويقول عام 1944م تزوجت من ابنة خالى الطاهر خلف الله الدابى وكان زواجى حدثاً في امدرمان ودفعت مهراً بلغ ثلاثين جنيها
والد زوجتى حلف بالطلاق ان لا اتكفل باى شئ اخر ولو منديل
واستمر العرس اياماً غنت فيه (رابحه التمتم) و(سعديه العوادية) وهى اول امرأة تعزف العود في ذلك الزمان و(فاطمة الحاج) و(عائشة ام رشيرش) والفنان (ابوالجود) و(ابراهيم تور كبير) و(قسم السيد عبدالله) ..
غنى كل هؤلاء دون ان يتغاضوا مليماً واحدة لان الغناء فى ذلك الزمان كان هواية ولم يكن اعاشة مثل فنانى هذا الزمان بل ان بعض الفنانين كانوا يدفعون في كشف الزواج .
يسرح العم احمد باشا بخياله بعيداً وكأنه قد عاد بخياله وذاكرته الى تلك الايام الجميلة والليالى الخالدة التى بقيت ذكري جميلة وثمراً مفيداً ابناء وبنات يزينون حياته في خرفها ويجملونها بابنائهم الذين يرى فيهم زمانا جميلا ادبر فيما استعصم هو بالايمان واستمسك بجميل الموروث وتربية ذلك الزمان النفر القائمة على المحبة والوفاء والاصرار زمن جميل مضى وبقيت اثاره مجسدة فى العم احمد باشا . __________________________________هسه منوا فيكم بيعرف (سعدية العوادية) و له (عاشة أم رشيرش)..الجميل إنه الفنانين مش مكا بياخدوا قروش و بس..لا ...و كمان بيدفعوا في الكشف.نواصل مع باقي الذكريات بكرة..... | |
|
| |
عبدالله عبدالرحمن بشير
المساهمات : 75 تاريخ التسجيل : 23/03/2008
| موضوع: رد: ذكريات عم أحمد باشا بين زمن النساجة و القنجة...و ثياب الشيفون(كان راجل اشتريني) الخميس مارس 27, 2008 7:31 am | |
| :خلاص قبلبا التكليف وذكريات عم مهدي والله تستحق وجهزت وعملت بعض التلفونات وكانت فكرتي ذكريات عم مهدي العرماس في السودان ولكن اقتراحك عن ذكريات عم مهدي في مدينة أوكلاند بكلفورنيا دا سبق منك والله وانشاء الله يكون مضمن في البوست بكلام وافي وشرح مفصل فما رأيك لو سميناه سفريات عم مهدي العرماس | |
|
| |
عثمان
المساهمات : 16 تاريخ التسجيل : 26/03/2008
| موضوع: رد: ذكريات عم أحمد باشا بين زمن النساجة و القنجة...و ثياب الشيفون(كان راجل اشتريني) الجمعة مارس 28, 2008 6:11 pm | |
| والله موضوع جميل ادونا باقيه | |
|
| |
ابو الساره
المساهمات : 87 تاريخ التسجيل : 23/03/2008
| موضوع: رد: ذكريات عم أحمد باشا بين زمن النساجة و القنجة...و ثياب الشيفون(كان راجل اشتريني) السبت مارس 29, 2008 10:44 pm | |
| olor=green]18]ويتواصل الحديث ..
العم احمد باشا يقول عام 1946م افتتحت محلا لبيع منتجات النسيج السودانى ثياب العظمة والمضلع والقناج وثياب السرتى والدمور وكانت هذه الثياب مطلوبة بكثرة ورخيصة الثمن ومطلوبة من النساء في ذلك الزمان رغم وجود قليل من الثياب المستوردة من الهند ومصر وسورياوفي نبرة حزينة وكأنه يتحسر على تاريخ وناس زمان وامكنة يقول العم احمد باشا الناس بطلوا لبس القناج والفراد والصناعة نفسها اضمحلت كثيرا والنساجون كثيرون غادروا الدنيا وبعض قليل اقعده المرض واعجزه الزمان بجانب ذلك امتلأ السوق بالبضائع المستوردة ثياب اشكال وانواعكما ان صناعة النسيج اصبحت غير مربحة علاوة علي الضرائب والاتاوات الكثيرة وضعف الاقبالالفردة في الماضى صناعتها يستغرق يوما واحدا وتكلف رطلين قطن فقط.سألت العم احمد باشا من اين جاءت صناعة النسيج للجبلاب قال جاءتنا من دار الشايقية ولكن الشايقية انصرفوا نحو العسكرية ومهنة البناء وتركوا مهنة النساجة
[/size]__________________________________________ إنتهي اللقاء، و هذا مصدره: http://www.akhbaralyoumsd.net/modules.php?name=News&file=print&sid=13551... | |
|
| |
الرشيد
المساهمات : 37 تاريخ التسجيل : 25/03/2008 العمر : 52 الموقع : الرياض
| موضوع: رد: ذكريات عم أحمد باشا بين زمن النساجة و القنجة...و ثياب الشيفون(كان راجل اشتريني) السبت مارس 29, 2008 11:16 pm | |
| رائع | |
|
| |
الرشيد
المساهمات : 37 تاريخ التسجيل : 25/03/2008 العمر : 52 الموقع : الرياض
| موضوع: رد: ذكريات عم أحمد باشا بين زمن النساجة و القنجة...و ثياب الشيفون(كان راجل اشتريني) السبت مارس 29, 2008 11:24 pm | |
| متع الله عمنا وجدنا أحمد باشا وهو من رموز الجبلاب وكنا متوقعين نسمع الكثير عنه فهو كتاب ملئ بالذكريات والقصصة كما له باع طويل في حل الخلافات بين الأهل وربنا يجزيه الف خير نتمنى ان يكون هذا بالباب للتوثيق لكبار ورموز القبيلة وان شاء الله تكون هذه نواة للتوثيق عن أجدادنا فمن الممكن ان يضيف كل من لديه معلومه عن العم أحمد باشا اضافتها حتى ولو ليس في القريب العاجل ليصبح هذا البوست مرجع توثيقي للأجيال القادمة ومن هنا يكمن فتح اكثر من بوست ولرموز أخرى قد خلت او معاصرة ولنستثمر الوقت ونقعد ما جدودنا ونسمع منهم وننقل حياتهم السابقة لأجيال آتية ان شاء الله ابّ احمد | |
|
| |
عبدالله عبدالرحمن بشير
المساهمات : 75 تاريخ التسجيل : 23/03/2008
| موضوع: رد: ذكريات عم أحمد باشا بين زمن النساجة و القنجة...و ثياب الشيفون(كان راجل اشتريني) الإثنين أبريل 14, 2008 10:54 pm | |
| الاكرم الخال بشير التقيت بأحد السودانين في كنتاكي ومع التعارف والونسة قال لي أنا صلاح من الشايقية مواليد امدرمان وانت اهلك من وين قلت ليه أنا جبلابي مواليد ام درمان قال لي مواليد امدرمان امكن بتعرف ناس من القدام في امدرمان ناس منو قلتو ليه الاسم بالكامل وعند وصولي لاسم جدي الحاج ابو سالف قال الحاج ابو سالف بتعرفو وكمان جدك من وين الكلام دا فقلت له بسودانية ممزوجة بحبة زهجة أنا خليني انتا بتعرفو من وين قال لي ياخوي اكان انت جبلابي صحي معناه بتعرف احمد باشا ودا جاب اي واحد عمل بالتجارة او الصناعة في النساجة ديل ما ناس قدام ومأصلين كدي أديني تلفونك عشان عند ي صديق بعمل في رسالة ومحتاج لمعلومات عن النساجة وبفتش لسماع كلام من جبلابي لانو قرائه في الكتب فقط . كم من الجبلاب لا يعرفون النساجة واغلبهم من شريحة الشباب ومن غير تعليق عبدالله عبدالرحمن | |
|
| |
عبدالله عبدالرحمن بشير
المساهمات : 75 تاريخ التسجيل : 23/03/2008
| موضوع: رد: ذكريات عم أحمد باشا بين زمن النساجة و القنجة...و ثياب الشيفون(كان راجل اشتريني) الثلاثاء مايو 13, 2008 9:39 pm | |
| السلام عليكم يا أولاد جعل النساجة ديوان نساجة كبير لو في زول عندو حبة خبرة في اسامي معدات النساجة اللحمة وغيره وممكن نبدأه بالمترار ينزلو للمنتدي والباب اكيد مفتوح عشان نوثق للنساجة بالطريق المنظم لنعلم ويعرف الشباب القادم ما كان من نوعية عمل جدوده الحارة الصعبة وكيف صبرو وربو . بالمناسبة والدنا علي ود الحاج ود الزاكي للان ينسج متعه الله بالعافية فمن أراد أن يري النساجة ولا تمكنه الظروف للذهاب للقرية ممكن يشوفها عند والدنا علي ودالحاج في امبده هذا بعد اذنه ودا للاهل في ولاية الخرطوم وهو في امدرمان امبدة | |
|
| |
| ذكريات عم أحمد باشا بين زمن النساجة و القنجة...و ثياب الشيفون(كان راجل اشتريني) | |
|